យោងតាមការចេញផ្សាយរបស់សមាគមមីក្រូហិរញ្ញវត្ថុកម្ពុជា៖ គិតត្រឹមដំណាច់ឆ្នាំ២០២៤ ប្រជាជនកម្ពុជាប្រើប្រាស់កម្ចីក្នុងវិស័យធនាគារនិងហិរញ្ញវត្ថុរហូតដល់ជិត ៦០ពាន់លានដុល្លារ (៦០ប៊ីលាន)។ ទន្ទឹមនឹងនេះ ទិន្នន័យធនាគារជាតិនៃកម្ពុជាឆ្នាំ២០២៤ ប្រាក់បញ្ញើអតិថិជនក្នុងវិស័យធនាគារនិងហិរញ្ញវត្ថុបានកើនដល់ ៥៧ពាន់លានដុល្លារ (៥៧ប៊ីលាន)។ ចំពោះបម្រែបម្រួលក្នុងឆ្នាំ២០២៣ និង២០២៤ ឥណទានមានកំណើនត្រឹមតែ ៣% ប៉ុណ្ណោះខណៈដែលប្រាក់បញ្ញើមានកំណើនរហូតដល់ ១៦.៣%។
បំណុល ឬឥណទានមិនមែនសុទ្ធតែអាក្រក់នោះទេ ហើយឥណទាននៅកម្ពុជាត្រូវបានបញ្ចេញជូនអតិថិជនក្នុងវិស័យផ្សេងៗគ្នា (ពិពិធកម្ម) ដូចជា ការជូញដូររាយ ទិញផ្ទះជាកម្មសិទ្ធិផ្ទាល់ខ្លួន ការជួញដូរអចលនទ្រព ការខ្ចីជាបុគ្គល សំណង់កសិកកម្មរុក្ខាប្រមាញ់និងនេសាទ ការជួញដូរដុំ កម្មន្តសាល សណ្ឋាគារនិងភោជនីយដ្ឋាន និងផ្សេងៗ។ ដោយទ្បែកយើងឃើញថាបំណុលឬឥណទាននៅក្នុងរាជធានីភ្នំពេញ ខេត្តកណ្តាល និងខេត្តសៀមរាប មានកំរិតខ្ពស់ គឺអាចបណ្តាលមកពីតំបន់ទាំងនេះជាបណ្តុំនៃសកម្មភាពសេដ្ឋកិច្ច និងមានចំនួនប្រជាជនច្រើន។
